27.10.2014 08:57:53
Јавното претпријатие за државни патишта ја привршува втората фаза од проектот за реконструкција на магистралниот пат Велес – Кадрифаково. Во моментов се работи на санација на делницата од велешката депонија до селото Лозово во должина од 8,9 километри, а градежната компанија „Гранит“ од Скопје веќе во текот на оваа недела ќе започне да ја реализира и третата фаза од реконструкцијата на патот, на потегот од Лозово преку Сарамзалино до Кадрифаково во должина од 10,7 километри.

Со претстојниот зафат целосно ќе се реконструира постоечкиот коловоз широк 6,4 метри, но и ќе се изврши проширување на сегментот помеѓу Лозово и Кадрифаково со што патот ќе има две сообраќајни ленти и две ленти за застанување, со вкупна широчина од 11,1 метри.

Извор : www.build.mk